काठमाडौं- अपरेटिङ बेस विमानस्थलमै हेलिकप्टरले रात्रिकालीन बिसान गर्नुपर्ने निर्णय तत्काल कार्यान्वयन नगर्न सर्वोच्च अदालतले अन्तरिम आदेश दिएको छ।
नेपाल नागरिक उड्डयन प्राधिकरणले असार ७ गतेदेखि लागू हुने गरी हेलिकप्टर कम्पनीहरूले अपरेटिङ वेस विमानस्थलमा रात्रिकालीन विसान गरी पहिलो उडान सोही विमानस्थलबाट गर्नुपर्ने निर्णय गरेको थियो।
उक्त निर्णयको विरोधमा वायुसेवा संञ्चालान संघले समेत विरोध गरेका थिए। तर हवाई जहाज कम्पनीहरुले भने अहिले तोकिएकै विमानस्थलमा रात्रिकालीन जहाज बिसान गरी सोही विमानस्थलबाट पहिलो उडान गर्दै आएका छन्। हवाई जहाज कम्पनीहरुलाई भने यो नियम १३ गतेबाट लागु गरिएको थियो।
तर हेलिकप्टर सञ्चालक कम्पनी सिम्रिक एयर भने प्राधिकरणको निर्णय विरुद्धमा सर्वोच्च अदालतमा रिट दायर गरेको थियो। सिम्रिक एयरले एकलौटी निर्णय गरेर प्राधिकरणले व्यवसायी नै चौपट बनाउन खोजको भन्दै निर्णय खारेजकी लागि अदालतमा रिट दायर गरेको थियो।
सोही रिटमा सर्वोच्चका न्यायाधीश ईश्वरीप्रसाद खतिवडाको इजलाशले अन्तरिम आदेश जारी गर्दै कारण देखाउ आदेश समेत दिएको हो।
