काठमाडौं-  नेपाल नागरिक उड्डय प्राधिकरणले भीआईपीको उडान गर्दा हेलिकोप्टरमा दुईजना पाइलट राख्नुपर्ने निर्णय गरेको छ।

यसैगरी प्राधिकरणले नेपालमा उडान सुरक्षालाई थप सुदृढीकरण गर्न तथा उडान सञ्चालन कार्यलाई थप व्यवस्थित गर्न हेलिकप्टरको प्रत्येक उडान पूर्व प्रयोग गर्नेगरी उडान सुरक्षा जोखिम मूल्यांकन र जोखिम न्यूनीकरणको लागि एक स्वचालित विद्युतिय प्रणाली सञ्चालनमा ल्याउनु पर्ने निर्णय गरेको छ।

यसैगरी हेलिकप्टर उडान सुरक्षालाई सवलीकरण गर्न मौसमी अवस्था, उडान अवधि, हेलिकप्टर पाइलटको अनुभव, भौगोलिक अवस्था तथा अन्य अवस्थालाई समेत मध्यनजर गरी यस्तो प्रणालीवाट हरेक उडानको सुरक्षा सवलीकरणको व्यवस्था मिलाउनु पर्ने निर्णय समेत प्राधिकरणले गरेको छ।

प्राधिकरणले स्वचालित प्रणालीले तोके बमोजिम दुईजना हेलिकप्टर पाइलट राख्नु पर्ने व्यवस्था समेत हेलिकप्टर कम्पनीले गर्नुपर्ने प्राधिकरणले निर्णय गरेको हो।

तर स्वदेशी पाईलटको उत्पादन गर्ने आत्मनिर्भरता सहितको उड्डयन सुरक्षा सुदृढिकरण गर्न प्रत्येक हेलिकप्टर कम्पनीले २०७९ असार ५ गतेको निर्णयदेखि बढिमा ३ वर्षभित्र पाइलट तयार पार्नको लागि हेलिकप्टर कम्पनीले पेश गरी प्राधिकरणले स्वीकृत गरेको संख्या बमोजिम पाइलट पदपूर्तिको व्यवस्था अनिवार्य रुपमा मिलाउने निर्णय गरेको छ।