मंगलबार, असार ३२ गते २०८१    
images
images
images

किसानको दु:खेसो - समयमा कहिल्यै बाली लगाउन पाइएन

images
बिजनेस न्युज
बिजनेस न्युज
बुधबार, जेठ २५ २०७९
images
images
किसानको दु:खेसो - समयमा कहिल्यै बाली लगाउन पाइएन

सिँचाइको प्रबन्ध नहुनु, समयमा प्रामाणिक धानको बीउ उपलब्ध नहुनु र रासायनिक मल नपाउँदा समयमा खेती लगाउन नपाइएको हो।

images
images

महोत्तरी- बीउ र मल अभावका कारण महोत्तरीका किसानलाई चिन्तित बनाएको छ। जेठ अन्तिम साता बित्नै लाग्दासमेत किसानले धानको ब्याड राख्न पाएका छैनन्। उनीहरुलाई समयमै बाली लाउन नपाइने हो की भन्ने चिन्ताले पिरोलेको छ।

images
images
images

'असार १५ गतेसम्म बीउ रोपको मैजारो गर्नुपर्ने हो', बर्दिबास नगरपालिका-७ का नीरचन्द्र पौडेल भन्नुहुन्छ, 'जेठ बित्न लाग्यो, ब्याडकै चाँजो मिलेको छैन।' धानको बीउ स्थानीय कृषि बीउबिजन केन्द्रमा नपाएपछि आफूहरूको हैरानी बढेको पौडेलको भनाइ छ। यसपालि समय-समयमा पानी परे पनि धानको बीउ नपाउँदा खेती गर्ने समय घर्कँदै छ। 

images

ढिलोमा आगामी असार तेस्रो हप्ता भित्र धानको बीउ रोप सकिए साउन तेस्रो हप्तासम्म खरुवन रोप गर्न सकिन्छ। जिल्लामा धानको बीउ रोप गाँजिएपछि त्यसैलाई उखेलेर अर्को रोप गरिन्छ। यसलाई ‘खरुवन’ रोप भनिन्छ। बीउ रोपको भन्दा खरुवन रोपको धानको बाला पोटिलो लाग्ने र उत्पादन बढी हुने किसानको अनुभव छ।

images
images

'खेतीको तालिका केही काम लागेन', बर्दिबास-९ पशुपतिनगरका नथुनी महतो भन्छन्, 'पुराना रैथाने धान मासिदा दुःख पाइयो।' पुरानो रैथाने धान लाउन छाडेपछि विकासे जातका धानमा भर परिएको र त्यसको बीउ समयमै नपाउँदा खेती लगाउन नपाइएको किसानको दुखेसो छ । 'तीन तहको सरकार छ,  हाम्रो मर्का बुझ्ने कोही भएनन्', महतोले भने। 

images
images

जिल्लाको कूल ७० हजार हेक्टर खेतीयोग्य जग्गामध्ये ५० हजार हेक्टरमा धानखेती गरिन्छ। सिँचाइको प्रबन्ध नहुनु, समयमा प्रामाणिक (कृषि मन्त्रालयले सिफारिस गरेका) धानको बीउ उपलब्ध नहुनु र रासायनिक मल नपाउँदा समयमा खेती लगाउन नपाइएको भङ्गाहा-४ का सत्यनारायण यादव बताउँछन्। 

धान जिल्लाको मुख्य अन्नबाली मानिन्छ। मुख्यबाली नै समयमा लगाउन नपाएपछि किसानको पिरोलो बढेको छ। जिल्लाका १५ स्थानीय तहमा कुनैले पनि व्यवस्थित कृषि शाखा सञ्चालन गरेका छैनन्। भङ्गाहा-४ पलारका चौठी बाँतर खेतीका लागि आवश्यक सामग्रीको अभाव र कृषि जनशक्ति (खेतीहर मजदुर) भारततिर जान थालेपछि किसानले खेती छाड्दै गएको बताउँछन्। यो क्रम बढ्दै गए उर्वर जग्गा बाँझो बस्ने र अन्नको सङ्कट बढ्दै उनको भनाइ छ। किसानलाई वैकल्पिक सिँचाइ प्रबन्धका लागि इनार, पम्पसेट, बोरिङजस्ता सुविधा दिनुपर्छ। सबै स्थानीय तहले कृषि शाखा व्यवस्थित गर्नुपर्ने किसानको माग छ। रासस


प्रकाशित : बुधबार, जेठ २५ २०७९०५:५७
प्रतिक्रिया दिनुहोस
कार्यकारी सम्पादक

केदार दाहाल

सूचना तथा प्रसारण विभाग दर्ता नम्बर

२८३८/०७८-७९

© 2024 All right reserved to biznessnews.com  | Site By : SobizTrend