काठमाडौं- एलजी इलेक्ट्रोनिक्स सिंगापुर प्राइभेट लिमिटेडले आफ्नो आधिकारिक वितरक सीजी इलेक्ट्रोनिक्ससँगको सहकार्यमा नेपाली उपभोक्ताहरूको आवश्यकता र जीवनशैलीलाई केन्द्रमा राखी विकास गरिएको नयाँ घरेलु उपकरण श्रृंखला एलजी एसेन्सियल सिरिज सार्वजनिक गरेको छ। 

काठमाडौंस्थित विवान्ता होटलमा आयोजित विशेष कार्यक्रममा उक्त श्रृंखलाको औपचारिक अनावरण गरिएको हो। काठमाडौंमा सम्पन्न राष्ट्रिय शुभारम्भपछि एलजीले आफ्नो 'हरेक घरको खुशी, घर-घरमा एलजी' अभियानलाई देशव्यापी रूपमा विस्तार गर्ने भएको छ। 

यसअन्तर्गत इटहरीमा असार १५ नारायणघाटमा १७, पोखरामा १९, बुटवलमा २१ र नेपालगञ्जमा २३ असारमा विशेष कार्यक्रम आयोजना गरिनेछ। 

यी कार्यक्रममार्फत स्थानीय उपभोक्ताले एलजी एसेन्सियल सिरिजका उत्पादनहरू प्रत्यक्ष अनुभव गर्ने, तिनका विशेषताबारे जानकारी प्राप्त गर्ने तथा आफ्ना आवश्यकताअनुरूप उपयुक्त समाधान छनोट गर्ने अवसर पाउनेछन्।

'हरेक घरको खुशी, घर-घरमा एलजी' अभियानअन्तर्गत सार्वजनिक गरिएको एसेन्सियल सिरिजले आधुनिक प्रविधि, उत्कृष्ट कार्यसम्पादन, टिकाउपन तथा किफायती मूल्यलाई एकैसाथ समेटेको छ।

नेपाली परिवारहरूको दैनिक आवश्यकता तथा स्थानीय परिस्थितिलाई ध्यानमा राखेर डिजाइन गरिएका यी उत्पादनहरूले गुणस्तरीय जीवनशैलीलाई अझ सहज बनाउने एलजीको विश्वास रहेको छ। नयाँ श्रृंखलामा नेपाली बजारका लागि विशेष रूपमा डिजाइन गरिएका डबल-डोर रेफ्रिजेरेटर, फुल्ली अटोमेटिक टप-लोड वासिङ मेसिन तथा रूम एयर कन्डिसनर समावेश छन्।

नेपाली घरपरिवारका लागि विशेष रूपमा विकसित उत्पादनहरू अन्तर्गत एलजी एसेन्सियल सिरिज डबल-डोर रेफ्रिजेरेटरमा फ्रस्ट-फ्री टेक्नोलोजी रहेको छ जसले म्यानुअल डिफ्रोस्टिङको आवश्यकता हटाउँछ। 

यसको स्मार्ट मोड सुविधाले मौसमअनुसार स्वचालित रूपमा चिस्यान नियन्त्रण गर्छ भने अघिल्ला मोडेलहरूको तुलनामा बीस प्रतिशत ठूलो तरकारी भण्डारण क्षमताले नेपाली परिवारहरूको आवश्यकतालाई प्रभावकारी रूपमा सम्बोधन गर्छ। 

त्यसैगरी नेपालका विविध वातावरणीय अवस्थालाई ध्यानमा राखेर निर्माण गरिएको एलजी एसेन्सियल सिरिज फुल्ली अटोमेटिक टप-लोड वासिङ मेसिनमा प्रोशिल्ड मोटर, बीएमसी कभर तथा आईपीएक्सफोर प्रमाणित वाटर-रेसिस्टेन्ट कन्ट्रोल प्यानल जस्ता सुविधाहरू समावेश छन्। साथै यसमा रहेको लो-प्रेशर फिल टेक्नोलोजीले कम पानीको चापमा पनि प्रभावकारी धुलाई सुनिश्चित गर्छ। 

यसै श्रृंखला अन्तर्गतको ऊर्जा-दक्ष प्रविधिसहितको एलजी एसेन्सियल सिरिज रूम एयर कन्डिसनरले प्रभावकारी कुलिङ तथा हिटिङ सुविधा प्रदान गर्दछ। परम्परागत नन-इन्भर्टर एयर कन्डिसनरको तुलनामा कम विद्युत् खपत गर्ने यस उत्पादनमा वातावरणमैत्री आरबत्तीस रेफ्रिजेरेन्ट प्रयोग गरिएको छ भने यसको न्यून ध्वनि सञ्चालनले प्रयोगकर्तालाई थप आरामदायी अनुभव प्रदान गर्छ।

एलजी एसेन्सियल सिरिजको बिक्री वितरण नेपालभर जुन २०२६ देखि सुरु हुने कम्पनीले जनाएको छ। प्रारम्भिक मोडेलहरूको मूल्य करिब उनन्पचास हजार छ सय नब्बे रुपैयाँबाट सुरु हुनेछ। यी उत्पादनहरू देशभरका आधिकारिक एलजी ब्रान्ड शप, मल्टि-ब्रान्ड रिटेल आउटलेट तथा प्रमुख ई-कमर्स प्लेटफर्म मार्फत उपलब्ध हुनेछन्।

सीजी कर्प ग्लोबल अन्तर्गत रहेको सीजी इलेक्ट्रोनिक्स नेपालमा एलजी उत्पादनहरूको एकमात्र आधिकारिक वितरक हो। एलजी इलेक्ट्रोनिक्स सिंगापुरसँगको चार दशकभन्दा लामो सहकार्यमार्फत कम्पनीले एलजीलाई नेपालको अग्रणी तथा विश्वासिलो उपभोक्ता इलेक्ट्रोनिक्स ब्रान्डका रूपमा स्थापित गर्न महत्वपूर्ण योगदान पुर्‍याएको छ। 

एलजी इलेक्ट्रोनिक्स इन्क घरेलु उपकरण, उपभोक्ता इलेक्ट्रोनिक्स तथा एयर सोलुसन क्षेत्रमा विश्वव्यापी अग्रणी कम्पनी हो। नवीन प्रविधि, ऊर्जा-दक्ष उत्पादन तथा ग्राहक केन्द्रित डिजाइनका लागि परिचित एलजीले विश्वभरका उपभोक्ताहरूलाई दैनिक जीवनलाई सहज र समृद्ध बनाउने समाधानहरू उपलब्ध गराउँदै आएको छ।