काठमाडौं- नेपाली बजारमा शुक्रबार एकै दिन सुनको मूल्य उल्लेख्य रुपमा घटेको छ। बिहीबारको तुलनामा शुक्रबार सुनको मूल्य प्रतितोला ३ हजार ९ सय रूपैयाँले घटेको हो।

नेपाल सुनचाँदी व्यवसायी महासंघको तथ्यांक अनुसार शुक्रबार छापावाल सुन प्रतितोला १ लाख ७६ हजार चार सय रूपैयाँमा कारोबार भइरहेको छ। बिहीबार सुन प्रतितोला एक लाख ८० हजार ३ सय रूपैयाँ पुगेको थियो।

यसैगरी शुक्रबार चाँदीको मूल्य पनि घटेको छ। बिहीबार चाँदी प्रतितोला १ हजार ९ सय ९५ रूपैयाँमा कारोबार भएको थियो। शुक्रबार चाँदीको मूल्य प्रतितोला १ हजार ८ सय ७० रूपैयाँमा कारोबार भइरहेको छ।

यो मूल्य अघिल्लो दिनको तुलनामा प्रतितोला १ सय २५ रूपैयाँ घटेको हाे। बुधबार चाँदी प्रतितोला २ हजार २० रूपैयाँमा कारोबार भएको थियो।