काठमाडौं- नेपाल आयल निगमले पेट्रोलको मूल्य बढाएको छ। तर डिजेल र मट्टीतेलको मूल्य भने घटाएको छ।

इण्डियन आयल कर्पोरेसनले पठाएको नयाँ मूल्यसूचीअनुसार निगमले पेट्रोल लिटरमा १ रुपैयाँ र डिजेल तथा मट्टीतेल प्रतिलिटर ४ रुपैयाँले घटाएको हो।

निगमको शनिबार बसेको सञ्चालक समितिको निर्णयअनुसार मूल्य समायोजन भएको छ। नयाँ मूल्यअनुसार अब उपत्यकामा पेट्रोलको मूल्य प्रतिलिटर १ सय ६८ रुपैयाँ पुगेको छ।

त्यस्तै डिजेल तथा मट्टीतेलको मूल्य प्रतिलिटर १ सय ५६ रुपैयाँ कायम भएको छ।

समायोजित मूल्य शनिबार राति १२ बजेपछि लागु हुने निगमले जनाएको छ। निगमले खाना पकाउने एलपी ग्यास र हवाई इन्धनको मूल्य भने यथावत राखेको छ।