काठमाडौं- राष्ट्रपति रामचन्द्र पौडेलले सिंहदरबार परिसरमा निर्माणाधीन संघीय संसद् भवनको निरीक्षण गरेका छन्। उनलाई प्रतिनिधिसभाका सभामुख देवराज घिमिरे र राष्ट्रियसभाका अध्यक्ष नारायणप्रसाद दाहालले स्वागत गरे।
त्यस अवसरमा सहरी विकास मन्त्रालयका सचिव गोपालप्रसाद सिग्देलले पाँच अर्ब ६७ करोड २७ लाख रूपैयाँको लागतमा निर्माणाधीन भवनको भौतिक प्रगति ८४ प्रतिशत र वित्तीय प्रगति ७३ दशमलव ०४ प्रतिशत भएको जानकारी दिए। संसद्को वर्षे अधिवेशन नयाँ भवनमा गर्नेगरी काम भइरहेको उनले बताए।
.gif)
भवनको आन्तरिक साजसज्जाका लागि दुई अर्ब ३४ करोड ५४ लाख रूपैयाँमा सम्झौता भएको छ। हालसम्म भवनको २५ प्रतिशत सजावट भएको छ।
.gif)
.jpg)
भवनमा एक हजार तीनसय ५१ वटा कोठा छन् जहाँ संघीय संसद्का दुवै सदनका बैठक हुनेछन्। रासस
