काठमाडौं- प्रधानमन्त्री केपी शर्मा ओलीले सूचना प्रविधि (आईटी)लाई विदेशी मुद्रा आर्जन गर्ने उद्योगका रुपमा विकास गर्नेमा विश्वास व्यक्त गरेका छन्।
उनले सामाजिक सञ्जाल फेसबुकमार्फत नेपालमा आईटीको क्षेत्रमा काम गर्नेहरुका लागि केही कानूनी अप्ठ्यारा रहेको उल्लेख गर्दै शुक्रबारको मन्त्रिपरिषद्को बैठकले अध्यादेशमार्फत सम्बोधन गरेको बताएका छन्।
.gif)
'हिजोको मन्त्रिपरिषद् बैठकले अध्यादेशमार्फत आईटीमा गरेको कमाइ स्वदेश भित्र्याउन सहज बनाउने कानून राष्ट्रपतिज्यू समक्ष सिफारिस गरिएको छ। यसले आईटीलाई विदेशी मुद्रा आर्जन गर्ने उद्योगका रुपमा विकास गर्ने हाम्रो विश्वास छ', उनले भने।
.gif)
.jpg)
प्रधानमन्त्री ओलीले अब नेपाली आईटी कम्पनीहरुले विदेशमा लगानी गर्न, विदेशमा शाखा कार्यालय खोलेर पैसा कमाउन र त्यसरी कमाएको पैसा कानूनी रुपमा भित्र्याउन पाउने भएको उनको भनाइ छ। रासस
