काठमाडौं- सिताके च्याउको मूल्य आधाभन्दा बढीले घटेको छ। कालीमाटी फलफूल तथा तरकारी बजार विकास समितिका अनुसार बुधबार थोकमा प्रतिकेजी अधिकतम आठ सय रुपैयाँमा बिक्री भएको सिताके च्याउको मूल्य आज आधाभन्दा बढीले घटेर प्रतिकेजी तीन सय ३० रुपैयाँमा बिक्री भइरहेको छ। 

समितिका अनुसार बुधबार थोकमा डल्ले च्याउ प्रतिकेजी अधिकतम दुई सय ८० तोकिएकामा आजका लागि तीन सय ३० रुपैयाँ तोकिएको छ। साथै घिउ सिमीको मूल्य आज प्रतिकेजी २५ ले घटेर ५० रुपैयाँ कायम भएको छ।

आज गोलभेडा ठूलो (भारतीय) प्रतिकेजी ८०, गोलभेडा सानो (लोकल) प्रतिकेजी ३०, गोलभेडा सानो (भारतीय) प्रतिकेजी ३५, गोलभेडा सानो (तराई) प्रतिकेजी ४०, आलु रातो प्रतिकेजी ४५, आलु रातो (भारतीय) प्रतिकेजी ४०, प्याज सुकेको (भारतीय) प्रतिकेजी ७०, गाजर (लोकल) प्रतिकेजी १००, गाजर (तराई) प्रतिकेजी ९०, बन्दा (लोकल) प्रतिकेजी २५, बन्दा (तराई) प्रतिकेजी २०, बन्दा (नरिवल) प्रतिकेजी २५, काउली स्थानीय प्रतिकेजी २०, स्थानीय काउली (ज्यापु) प्रतिकेजी ३०, काउली तराई प्रतिकेजी १५, मूला रातो प्रतिकेजी २५, मूला सेतो (लोकल) प्रतिकेजी २५, सेतो मूला (हाइब्रिड) प्रतिकेजी ३०, भन्टा लाम्चो प्रतिकेजी ३५, भन्टा डल्लो प्रतिकेजी ४० रुपैयाँ कायम भएको छ।

यसैगरी, मकै बोडी प्रतिकेजी ७०, मटरकोसा प्रतिकेजी ९०, घिउ सिमी (लोकल) प्रतिकेजी ६०, घिउ सिमी (हाइब्रिड) प्रतिकेजी ६०, घिउ सिमी (राजमा) प्रतिकेजी ६०, टाटे सिमी प्रतिकेजी ५०, तिते करेला प्रतिकेजी १००, लौका प्रतिकेजी ५०, परवर (तराई) प्रतिकेजी १००, फर्सी पाकेको प्रतिकेजी ५०, फर्सी हरियो (लाम्चो) प्रतिकेजी २०, हरियो फर्सी (डल्लो) प्रतिकेजी २०, सलगम प्रतिकेजी १००, भिण्डी प्रतिकेजी १००, सखरखण्ड प्रतिकेजी ८०, बरेला  प्रतिकेजी ४०, पिँडालु प्रतिकेजी ९०, स्कूस प्रतिकेजी ३५, रायो साग प्रतिकेजी २०, पालुङ्गो साग प्रतिकेजी ६०, चमसुरको साग ६०, तोरीको साग प्रतिकेजी ४०, मेथीको साग प्रतिकेजी ६०, प्याज हरियो प्रतिकेजी ६०, बकुला प्रतिकेजी ९०, तल प्रतिकेजी ८०, च्याउ (कन्य) प्रतिकेजी ८०, च्याउ (डल्ले) प्रतिकेजी ३३० रुपैयाँ निर्धारण गरिएको छ।

ब्रोकाउली प्रतिकेजी ५०, चुकुन्दर प्रतिकेजी ९०, सजिवन प्रतिकेजी २५०, रातो बन्दा प्रतिकेजी ७०, जिरीको साग प्रतिकेजी ७०, ग्याठ कोबी प्रतिकेजी ९०, सेलरी प्रतिकेजी ४००, पार्सले प्रतिकेजी ८००, सौफको साग प्रतिकेजी ९०, पुदिना प्रतिकेजी ४००, गान्टे मूला प्रतिकेजी ८०, इमली प्रतिकेजी १६०, तामा प्रतिकेजी १००, तोफु प्रतिकेजी १२०, गुन्दुक प्रतिकेजी ३०० रुपैयाँ तोकेको छ।

समितिले स्याउ (झोले) प्रतिकेजी २६०, स्याउ (फूजी) प्रतिकेजी ३००, केरा (दर्जन) १७०, कागती प्रतिकेजी १४०, अनार प्रतिकेजी ४००, अङ्गुर (हरियो) प्रतिकेजी २४०, अङ्गुर (कालो) प्रतिकेजी ३८०, सुन्तला (नेपाली) प्रतिकेजी १२५, सुन्तला (भारतीय) प्रतिकेजी १००, काँक्रो (लोकल) प्रतिकेजी १३०, काक्रो (हाइब्रिड) प्रतिकेजी ९०,नासपाती (चाइनिज) प्रतिकेजी २५०, मेवा (नेपाली) प्रतिकेजी ५०, मेवा (भारतीय) प्रतिकेजी ९०, अम्बा प्रतिकेजी ११०, लप्सी प्रतिकेजी ५०, स्ट्रबेरी (भुइऐसेलु) प्रतिकेजी ५००, किबी प्रतिकेजी २५०, आभोकाडो प्रतिकेजी २५०, अमला प्रतिकेजी ८० रुपैयाँ निर्धारण गरिएको छ।

यसैगरी, अदुवा प्रतिकेजी १३०, खुर्सानी सुकेको प्रतिकेजी ४००, खुर्सानी हरियो प्रतिकेजी ७०, खुर्सानी हरियो (बुलेट) प्रतिकेजी ९०, खुर्सानी हरियो (माछे) प्रतिकेजी ७०, खुर्सानी हरियो (अकबरे) प्रतिकेजी ३००, भेडे खुर्सानी प्रतिकेजी ८०, लसुन हरियो प्रतिकेजी १६०, हरियो धनिया प्रतिकेजी ५०, लसुन सुकेको चाइनिज प्रतिकेजी ३००, लसुन सुकेको नेपाली प्रतिकेजी ३००, छ्यापी सुकेको प्रतिकेजी १६०, ताजा माछा (रहु) प्रतिकेजी ३५०, ताजा माछा (बचुवा) प्रतिकेजी २६०, ताजा माछा (छडी) प्रतिकेजी २६०, ताजा माछा (मुङ्गरी) प्रतिकेजी ४५०, रुख टमाटर प्रतिकेजी १६०, राजा च्याउ प्रतिकेजी ३०० र सिताके च्याउ प्रतिकेजी ३३० रुपैयाँ तोकेको छ। रासस