सिमकोट- हुम्लामा हिमपात हुँदा विमानसेवा प्रभावित भएको छ। हिमपातका कारण सिमकोट विमानस्थलबाट उडान हुन सकेको छैन।
.png)
हिमपातकै कारण सीता एयरका दुईवटा जहाज विमानस्थलमै रोकिएका छन्। खाद्यान्न ढुवानी गरिरहेका जहाज सिमकोट विमानस्थलमा हिमपातका कारण रोकिएका हुन्।
आइतबार साँझदेखि नै सिमकोटसहितका क्षेत्रमा हिमपात भइरहेको हो। हिमपातले जनजीवन प्रभावित भएको छ भने हिउँले हुम्ला सेताम्य देखिएको छ।
प्रतिक्रिया दिनुहोस
