काठमाडौं- आर्थिक वर्ष २०७९/८० मा माछापुच्छ्रे बैंकले प्राय सबै सूचकमा सुधार गरेको छ। बैंकले प्रकाशित गरेको चौथो त्रैमासको विवरण अनुसार उल्लेखनीय सूचकमा सुधार देखिएको छ।
विवरण अनुसार बैंले खुद नाफा १० प्रतिशतले बढाउन सफल भएको छ। गएको वर्ष बैंकले १ अर्ब ८५ करोड खुद नाफा आर्जन गर्न सफल भएको छ। आर्थिक वर्ष २०७८/७९ मा बैंकले १ अर्ब ६८ अर्ब नाफा गरेको थियो।
बैंकले कूल ५ अर्ब ३८ करोड आम्दानी गरेको छ। यो पनि गत वर्षको तुलनामा १० प्रतिशतले धेरै हो।
कम्पनीको वितरणयोग्य नाफा पनि बढेको छ। विवरण अनुसार बैंकको १ अर्ब ८५ करोडमध्येबाट १ अर्ब ५६ करोड रुपैयाँ वितरणयोग्य रहेको छ।
बैंकको वितरणयोग्य नाफामा उल्लेख्य सुधार आएको छ। दोबरभन्दा धेरैले यस्तो नाफामा सुधार भएको छ। आर्थिक वर्ष २०७८/७९ मा प्रतिसेयर वितरणयोग्य नाफा ५.८२ रुपैयाँ भएकोमा गएको वर्ष १५.२९ रुपैयाँ पुगेको छ। यो लगभग तीनगुणा धेरै हो।
त्यस्तै बैंकको प्रतिसेयर आम्दानी गत वर्षको तुलनामा ९.७५ प्रतिशतले बढेको छ भने नेटवर्थ १२.६८ प्रतिशतले सुधार भएको छ।