काठमाडौं - नेपाल आयल निगमले पेट्रोलियम पदार्थको मूल्य समायोजन गरेको छ। भारतबाट नयाँ मूल्य सूची आएसँगै निगमले मूल्य समायोजन गरेको हो।

निगमले मंगलबार रातीदेखि लागु हुनेगरि डिजेल, पेट्रोलको मूल्य बढाएर खाना पकाउने ग्यासको मूल्य घटाएको छ।

निगमले पेट्रोल लिटरमा ९ रुपैयाँ र डिजेल ७ रुपैयाँ बढाएको छ। मूल्य समायोजन भएसँगै काठमाडौंमा पेट्रोल लिटरको १ सय ७३ रुपैयाँ र डिजेल १ सय ५३ रुपैयाँ पुगेको छ।

निगमले खाना पकाउने ग्यासको मूल्य भने सिलिन्डरमा १ सय ३० रुपैयाँले घटाएको छ। योसँगै खाना पकाउने ग्यास सिलिन्डरको १ हजार ६ सय ६० रुपैयाँ कायम भएको छ।