काठमाडौं- साताको पहिलो दिन आइतबार सुनचाँदीको मूल्यमा वृद्धि भएको छ। गएको साताको शुक्रबारको तुलनामा यो साताको आइतबार सुनको मूल्य प्रतितोला सात सय रूपैयाँ र चाँदीको मूल्य प्रतितोला २० रूपैयाँले बढेको हो।
आइतबार छापावाल सुनको मूल्य प्रतितोला एक लाख ११ हजार तीन सय रूपैयाँ र तेजाबी सुनको मूल्य प्रतितोला एक लाख १० हजार सात सय ५० रूपैयाँ कायम रहेको नेपाल सुनचाँदी व्यवसायी महासंघले जनाएको छ।
महासंघका अनुसार चाँदीको मूल्य आज प्रतितोला एक हजार तीन सय ९५ रूपैयाँ तोकिएको छ।