.gif)
.gif)
काठमाडौं- गृह मन्त्रालयको सुरक्षा तथा समन्वय महाशाखाका प्रमुख जितेन्द्र बस्नेतले काठमाडौंको प्रमुख जिल्ला अधिकारी (सीडीओ) को जिम्मेवारी पाएका छन्।
सीडीओ घनश्याम उपाध्यायको मंगलबार सचिवमा बढुवा भएसँगै गृह मन्त्रालयले ८ वर्षअघि सहसचिव बनेका बस्नेतलाई सो ठाउँमा सरुवा गरेको हो।
बस्नेतले यसअघि गोरखा, चितवन, र पर्साको प्रमुख जिल्ला अधिकारीको जिम्मेवारी सम्हालिसकेका छन्। उनी गृह मन्त्रालयको प्रवक्ताको जिम्मेवारीमा समेत थिए।
उनले राष्ट्रिय परिचयपत्र तथा पञ्जिकरण विभागको महानिर्देशक भएर समेत काम गरिसकेका छन्।
