काठमाडौं- बुधबार सुनचाँदीको मूल्यमा सामान्य वृद्धि भएको छ। मंगलबार प्रतितोला चार सय रूपैयाँले बढेको सुनको मूल्य बुधबार प्रतितोला दुई सय रूपैयाँले बढेको हो।
बुधबार छापावाल सुनको मूल्य प्रतितोला एक लाख १० हजार ६ सय रूपैयाँ कायम छ भने तेजाबी सुनको मूल्य प्रतितोला एक लाख १० हजार ५० रूपैयाँ कायम रहेको नेपाल सुनचाँदी व्यवसायी महासंघले जनाएको छ।
महासंघका अनुसार चाँदीको मूल्य आज पाँच रूपैयाँले बढेर प्रतितोला एक हजार ३ सय ८० रूपैयाँ कायम छ।