काठमाडौं- गत आर्थिक वर्षको अन्त्यसम्म नेपाल सरकारले ८ देशसँग ऋण लिएको छ। अधिकांश ऋण बहुपक्षीय वित्तीय संस्थाबाट ऋण लिएको नेपालले दातृ राष्ट्रबाट पनि ऋण लिएर परिचालन गरेको छ।
महालेखा नियन्त्रकको प्रतिवेदनअनुसार आर्थिक वर्ष २०७८/७९ को अन्तिमसम्म नेपाल सरकारले ८ विभिन्न दातृ राष्ट्रसँग ऋण लिएको छ। ८ देशसँग कुल १ खर्ब ३१ अर्ब रूपैयाँ बरारबको ऋण रहेको छ।
यीमध्ये सबैभन्दा धेरै जापान सरकारको ऋण रहेको छ। प्रतिवेदनअनुसार जापानको ऋण ४८ अर्ब ८९ करोड ९२ लाख रूपैयाँ रहेको छ। जापानको सहुलियत ब्याजदरको ऋण हो।
त्यस्तै दोस्रो धेरै ऋण भारतसँग रहेको छ। प्रतिवेदनअनुसार भारतसँग ३६ अर्ब ३५ करोड रूपैयाँ ऋण रहेको छ।
तेस्रो धेरै ऋण हुने मुलुक चीन हो। गत आर्थिक वर्षको अन्त्यसम्म चीनसँग ३५ अर्ब २९ करोड ऋण रहेको छ। चीन र भारतसँगको ऋणको ब्याजदर जापनकोभन्दा उच्च हुन्छ।