.gif)
.gif)
काठमाडौं- निर्वाचन आयोगले विदेशमा रहेका नागरिकले प्रतिनिधिसभाको समानुपातिक निर्वाचनमा भोट हाल्न पाउने गरी कानून संशोधन गर्ने भएको छ।
आयोगले मतदाता नामावलीमा नाम समावेश भएका व्यक्तिलाई नेपाली कूटनीतिक नियोगको सहयोगमा सोही मुलुकबाटै प्रतिनिधिसभाको समानुपातिकतर्फको निर्वाचन प्रणालीअनुसार हुने निर्वाचनमा मतदान गर्न पाउने व्यवस्था मिलाउने गरी कानून संशोधन गर्न लागेको हो।
आयोगले निर्वाचन व्यवस्थापनलाई अझ बढी स्वच्छ, निष्पक्ष, सहज र प्रभावकारी बनाउन नेपालको संविधान, सम्मानित सर्वोच्च अदालतबाट भएका निर्देशनात्मक आदेश तथा अन्तर्राष्ट्रिय अभ्यास र विगतका अनुभव तथा पृष्ठपोषण समेतका आधारमा साविकको निर्वाचनसम्बन्धी कानून परिमार्जन गरी 'निर्वाचन सम्बन्धी कानूनलाई संशोधन र एकीकरण गर्न बनेको विधेयक' मा यस्तो व्यवस्था गर्न लागेको हो।
सोमबार (आज) बसेको आयोगको बैठकले तयार पारेको मस्यौदा नेपाल सरकार गृह मन्त्रालय मार्फत संसदमा पेश गर्ने निर्णय गरेको समेत गरेको छ।
