काठमाडौं- चालु आर्थिक वर्ष २०७९/०८० को ६ महिनामा ५ खर्ब ८५ अर्ब ८ करोड रुपैयाँ रेमिट्यान्स भित्रिएको छ। नेपाल राष्ट्र बैंकले सार्वजनिक गरेको तथ्यांकमा चालु आर्थिक वर्षको पुस महिनामा मात्रै १ खर्ब ४ अर्ब ५८ करोड रुपैयाँ रेमिट्यान्स भित्रिएको छ।
राष्ट्र बैंकका अनुसार समीक्षा अवधिमा रेमिट्यान्स २४.३ प्रतिशतले वृद्धि भइ ५ खर्ब ८५ अर्ब ८ करोड पुगेको छ।
अघिल्लो वर्षको सोही अवधिमा रेमिट्यान्स ५.० प्रतिशतले घटेको थियो। अमेरिकी डलरमा रेमिट्यान्स १३.९ प्रतिशतले वृद्धि भइ ४ अर्ब ५० करोड पुगेको छ। अघिल्लो वर्ष यस्तो आप्रवाह ५.७ प्रतिशतले घटेको थियो।
